Dardana anëtar i ri i Ligës së Parë

Gjilan – Skuadra Dardanës nga Dardana në ndeshjen e barazhit e cila u zhvillua në stadiumin “Riza Lushta” në Mitrovicë, me plot meritë ka mposhtur rivalin e përbetuar Bashkimin e Koretinit në aktin final të ndeshjes së barazhit me rezultat 3-0.

Bashkimi nuk arriti ta ruaj statusin e anëtarit të Ligës së Parë, ata sot hasën në një kundërshtar tejet të fort të cilat gjatë 90 minutave asnjëherë nuk arritën ta rrezikojnë seriozisht portën e portierit Arianit Behramit të Dardanës.

Heroi i këtij ballafaqimi tejet të rëndësishme ishte sulmuesi Adonis Dodolli i cili qysh në pjesën e parë e detyroi portierin e Bashkimit, Donat Mehmetin të kapitulloi.

Ndeshja për 15 minuta u ndërpre në pjesën e parë pasiqë binte shi i dendur me kokrrizë ndërsa edhe futbollistët e patën mjaft vështirë gjatë tërë ndeshjes ta kontrollonin topin për shkak se fusha e blertë ishte mbuluar me ujë.

8 minuta para përfundimit të kësaj ndeshje Nazif Mulaku vulos gjithçka në këtë ballafaqim duke e dërguar skuadrën e Bashkimit në Ligën e Dytë ndërsa nga edicioni i ardhshëm Dardana do të jetë pjesë e Ligës së Parë.

Ndërsa me tu kthyer futbollistët e Dardanës në qytetin e tyre është paraparë në sheshin e qytetit festë nga simpatizuesit e saj./rajonipress/