Dardan Gashi, nënkryetar i AKR-së

Aleanca Kosova e Re, në takimin e radhës me Këshillin e Përgjithshëm Drejtues, zgjodhi Kryesinë e re të partisë.

Në fillim të takimit, kryetari i partisë, Bexhet Pacolli, ka bërë thirrje “për bashkim forcash dhe unifikim, në kohën kur vendoset për të nesërmen e Kosovës”

Pas një diskutimi mes 80 delegatëve të partisë, me shumicë votash u zgjodhën 18 anëtarët e Kryesisë, duke e lënë të hapur debatin për plotësimin edhe të shtatë vendeve të mbetura ditëve në vazhdim.

“Në listën e re të Kryesisë së AKR-së janë përfshirë emra të njohur, politikanë të moshave të mesme dhe personalitete që kanë tashmë rol në politikën aktuale në Republikë”, thuhet në komunikatën e AKR-së, duke mos përmendur se cilët janë ata emra. .

Nënkryetare, apo zëvendëspresidente siç thotë AKR, u rizgjodh Mimoza Kusari-Lila, ndërkohë dy nënkryetarët tjera janë Fadil Ismajli dhe Dardan Gashi.

Lista zyrtare e Kryesisë së re të AKR-së është si në vijim:

Behgjet Pacolli – President
Mimoza Kusari – Lila – Zëvendëspresidente
Fadil ismajli – Zëvendëspresident
Dardan Gashi – Zëvendëspresident
Ibrahim Makolli – Sekretar i Përgjithshëm
Rejhan Vuniqi – Sekretare Organizative
Agim Bahtiri – anëtar i Kryesisë
Avni Gashi – anëtar i Kryesisë
Berndard Nikaj – anëtar i Kryesisë
Fatmir Krasniqi – anëtar i Kryesisë
Ismet Mulaj – anëtar i Kryesisë
Korab Sejdiu – anëtar i Kryesisë
Myzejene Selmani – anëtare e Kryesisë
Naim Maloku – anëtar i Kryesisë
Sevdije Lama – anëtare e Kryesisë
Suzanë Novobërdali – anëtare e Kryesisë
Shefki Avdullahu – anëtar i Kryesisë

/Telegrafi/