Dardan Gashi: LDK-ja e harroi familjen Rugova

Njëri prej themeluesve të “Listës Dr. Ibrahim Rugova”, Dardan Gashi, ka thënë se heshtja e LDK-së ndaj arrestimit të Ukë Rugovës ka zbehur mundësinë e bashkëpunimit ndërmjet këtyre dy grupeve politike.

“Nuk e shoh të arsyeshme, në fund të fundit të vazhdojmë një bashkëpunim politik me LDK-në, që është qartazi mospërfillëse ndaj kësaj familje, brengave dhe situatës në të cilën gjendet”, ka thënë Gashi.

Në këtë kontekst, ai ka thënë se LDK-ja nuk ka fytyrë të kërkojë mbështetje politike nga familja Rugova.

“Do të thotë, në këtë aspekt ata e kanë shkelur me të dyja këmbët dhe shpresoj se nuk mendojnë se kanë fytyrë prapë të shkojnë në atë derë për të kërkuar mbështetjen politike”, ka deklaruar Gashi. /Epoka e Re/