Dani, 40 vite me muzikë

Me një mbrëmjë të veçantë muzikore, këngëtari pejan Ramadan Krasniqi sonte shënon 40 vjetorin e karrierës muzikore.Karrierën si këngëtar e filloi me orkestrinën “Vëllezërit Bakraqi”. Pas shumë paraqitjeve si i ri, në grup me kolegët, për herë të parë si solo-këngëtar u prezantua në mbrëmjen festive të pritjes së Vitit të Ri, 1973/1974, në Pejë.

Dani, i cili deri tani ka më se 33 albume muzikore te edituara në treg, është i lumtur me arritjet e tij në muzikë.
“Nëse ndonjëherë do të më ishte dhënë mundësia të kthehem para dyzet viteve, sërish të njëjtën gjë do të bëja”, është shprehur këngëtari me rastin e këtij përvjetori.

Ramadan “Dani” Krasniqi lindi më 5 gusht të vitit 1958 në Pejë.

Mes hiteve te tij te jane njohura: “Magdallena'”1985 nga Ardian Rrusta, ‘Ti që fike shpirtin tim’ 1995 nga Afrim Macula, ‘Moj tradhëtare’ 2003 nga Ilir Berani, ‘Fjalët që na ndanë’ 2005 nga Afrim Macula.

Kënga ‘Moj tradhëtare’, në vitin 2003, shënon rekord të shitjes, si singel-cd, në karrieren e Danit, ku supozohet se tirazhi i shitur ne treg ka qenë afersisht 70 mijë copë.

Krasniqi është baba i katër fëmijëve dhe jeton në qytetin e tij të lindjes, Pejë./Indeksonline/