Dalin detaje të reja të krimit: Kështu e vrau gruan, vajzën dhe veten rapsodi kosovar

Një tragjedi shqiptare raportohet të ketë ndodhur në Gjermani. Siç shkruajnë mediat lokale në Kosovë, rapsodi i njohur kosovar, S.V., ka vrarë gruan, vajzën dhe në fund veten, përcjell albinfo.ch.

I ndjeri ishte nga Ferizaj, kurse prej kohësh po jetonte në Gjermani.

Ai kishte qëlluar vajzën, që kishte vdekur në vend, kurse gruaja e tij ishte dërguar në spital. Edhe gjermanët kanë mbetur të tmerruar nga kjo ngjarje.

Edhe ‘Bild.de’, ka raportuar për një tragjedi familjare në jug të Marburgut. Policia dhe prokurorët kanë qenë në vendin e krimit dhe janë duke hetuar rastin.

Për shkak të gjurmëve, hetuesit e kanë cilësuar si ‘krim në mjedisin familjar’. Gjithashtu edhe arma është gjetur.

Lajmi për vrasjen e trefishtë, është bërë i ditur në rrjetet sociale, nga një mik i tashmë të ndjerit Sami Veseli.

Në publikimin e shoqëruar me fotografi, kjo vepër e rapsodit të njohur nga Ferizaj, i cili jetonte në Gjermani, arsyetohet me këtë përshkrim në postimin e mikut të tij:
”Jeta në kulturat e huaja dhe sfidat e vështira në mërgim japin mundësi që të degjenerohemi e të humbim fëmijët dhe familjen… na shtyejnë të bëjmë akte të rënda vetëm e vetëm që të ruajmë fytyrën dhe ndërgjegjien shqiptare”.
Përveç detajeve të publikuara nga miku i rapsodit të njohur, ende nuk dihen motivet e këtij akti.