Daku: Përfundoi me sukses turneu mbarëkombëtar në basketboll

Gjilan – Omer Daku, kryetar i KB “Drita” (femra), thekson se ky vikend mund të quhet si vikend i basketbollit për Gjilanin sepse vërtetë, gjithçka që u planifikua, edhe u realizua në tërësi, kurse të gjithë të pranishmit patën rastin të shohin shumë ndeshje interesante basketbollistik

Turneu mbarëkombëtarë i organizuar nga KB”Drita” (femra) në Gjilan përfundoi në mënyrën më të mirë të mundur, ku pjesëmarrës ishin: KB”Drita” nga Gjilani, KB”Vllaznia” nga Shkodra, KB”Shkupi” nga Shkupi dhe KB”Rinia” nga Kumanova.

Fillimisht, të pranishmit i përshëndeti kryetari i KB” Drita”, z. Omer DAKU, kurse, pas kësaj, hapjen e bëri kryetari i Federatës së Basketbollit të Kosovës(FBK), z. Erolld Belegu.

Sistemi i garave u realizua sipas formës së eliminimit. Ndeshja e parë u zhvillua në mes të KB”Drita” nga Gjilani dhe KB”Rinia” nga Kumanova, ku fitues ishte KB”Drita” , kurse në ndeshjen e dytë u takuan KB”Vllaznia” nga Shkodra dhe KB”Shkupi” nga Shkupi, ku fitues doli KB” Vllaznia”. Për vendin e tretë u takuan KB”Shkupi” dhe KB”Rinia” ku fitues doli KB”Shkupi” kurse në finale u takuan KB”Vllaznia” dhe KB”Drita” ku fitues i turneut doli KB”Vllaznia”.

Në fund të gjitha ekipet u shpërblyen me kupa dhe medalje. Pas kësaj, për të gjithë pjesëmarrësit u shtrua një darkë e përbashkët nga KB”Drita”. Ky turne u mbështet nga komuna e Gjilanit dhe KEP Trust. /rajonipress/