Daka votoi, ja çka kërkoi prej komisionerëve e subjekteve politike

Kryetarja e KQZ-së, Valdete Daka, ka qenë ndër të parat që ka votuar sot. Ajo votoi në Fakultetin Teknik. Duke iu bërë thirrje qytetarëve që të dalin dhe ta shfrytëzojnë të drejtën e votës, Daka iu bëri thirrje partive politike që të mos shkelin rregullat, raporton “Zeri.info”.

“I ftoj të gjithë qytetarët e Kosovës me të drejtë vote ta shfrytëzojnë këtë të drejtë të votojnë e ti sjellim dinjitet shtetit. I bëj apel të gjithë subjekteve politike që të sillen sipas rregullave dhe të mos i thyejnë ato”, ka thënë Daka.

Ajo po ashtu iu ka bërë thirrje edhe komisionerëve të subjekteve politike që të mos e keqpërdorin pozitën e tyre, raporton “Zeri.info”.

“Të sillemi me dinjitet. I ftoj të gjithë komisionerët që të mos e keqpërdorin pozitën, të sillen sipas standardeve ndërkombëtare dhe t’i tregojmë botës se jemi në gjendje të organizojmë zgjedhje siç duhet”, ka thënë Daka pasi kreu obligimin. /Zëri/