‘Daily Express’: Sulmuesi që mund t’i bashkohet Kosovës, kërkohet nga katër klube angleze

Hibernian FC do ta ketë shumë të vështirë që ta mbajë Florian Kamberin në skuadër pasi katër klube angleze janë të interesuara për futbollistin nga Kosova.

Siç raporton “Daily Express”, Brenford, Portsmouth, Middlesbrough dhe Swansea City synojnë transferimin e 24-vjeçarit, shkruan Zëri.info

Brenford pritet të mbesë pa yjet e skuadrës si Neal Maupay dhe Ollie Watkins, ndërkaq klubi është vënë në treg për një blerje ideale.

Derisa klubet e Ligës së Dytë Angleze e duan Kamberin, Hibs ia ka vendosur një çmim prej 2 milionë funte.

Ish-futbollisti i Grasshoppers është pjesë e skuadrës skoceze nga vera e kaluar, derisa edicionin e kaluar ka zhvilluar 43 ndeshje, duke shënuar 13 gola dhe duke dhuruar shtatë asistime.

Në nivel ndërkombëtar, Kamberi ende nuk ka vendosur se cilin shtet do ta përfaqësojë, por më herët është raportuar se ai është i gatshëm të luajë për Kosovën./Zëri.info