Dafina Zeqiri sjell këngën e re “Told Ya”

Këngëtarja Dafina Zeqiri këtë vit ka marrë rrugën drejt New York-ut, ku është duke provuar të ndërtojë karrierë ndërkombëtarë atje.

“Four Sesons” është kënga debutante e saj në tregun e huaj, e cila u prit mirë nga fansat si fillim.

Në një intervistë të dhënë për Telegrafin në muajin qershor, Dafina kishte rrëfyer ekskluzivisht për më të rejat e saj, dhe planet që mendon t’i realizojë në të ardhmen.

Ajo kishte përmendur se do të sjellë disa këngë të reja, dhe se një nga to, Dafina e langoi sonte (e martë).

Kënga e saj e re titullohet “Told Ya”, të cilën Zeqiri e ka publikuar fillimisht vetëm në versionin audio në disa aplikacione online.

Kënga mund të gjendet në Spotify dhe iTunes, ndërsa këngëtarja ka publikuar në llogarinë e saj zyrtare një pjesë të këngës.

Dafina ka paralajmëruar se kësaj kënge do t’ia realizojë së shpejti edhe videokliin. /Telegrafi/