Dafina Zeqiri në përmbyllje të vitit 2022: Faleminderit që më jepni mundësinë që përmes muzikës të ndaj jetën time me ju

Këngëtarja Dafina Zeqiri po përmbyll një vit jashtëzakonisht të suksesshëm.

Projekte të shumta solo, bashkëpunime, koncerte e sukses të tjera, kënëgtarja ishte padyshim kryefjala e këtij viti.

Në vitin që po hyjmë, Dafina shënon plot 16 vite karrierë dhe për këtë artistja është shprehur falënderuese përmes një shkrimi në Instagram.

Bashkangjitur me disa imazhe, Dafina tha se shpreson që në vitin 2023 të jetë më miqësor për të gjithë, e të ndihmojë ata që kanë më së shumti nevojë.

Autorja e hitit “Duro” u ndal edhe tek shëndeti mendor, duke thënë se ai nuk zgjedhje por fakt që ka nevojë për përkrahje të vazhdueshme.

Postimi i plot i Dafina Zeqirit:

Viti 2023 shënon plot 16 vite të karrierës time, po realisht më duken si 8 vjet! Jam jashtëzakonisht falënderuese dhe mirënjohëse për të gjithë përkrahjen që i jepni artit, performancave dhe videoklipeve të mia! Faleminderit që më jepni mundësinë ku përmes muzikës të ndaj jetën time me ju!

Shpresoj që viti 2023 të jetë më miqësor për të gjithë ne e në veçanti të ndihmojmë ata që kanë nevojë për ndihmën tonë sepse shëndeti mendor nuk është zgjidhje por fakt që ka nevojë për përkrahje të vazhdueshme. /Telegrafi/