Daçiq: Largoni përmendoren e UÇPMB-së nga Presheva

Kryeministri serb Ivica Daçiq i ka ftuar shqiptarët e Luginës së Preshevës që të heqin përmendoren e ushtarëve të rënë UÇPMB-së e ngritur në qendër të Preshevës, njofton B92.

“Është më mirë që at heqin vetë – ajo ( përmendorja) është një provokim i panevojshëm sidomos nëse vihet në kontekst të flamurit shtetëror që është më 28 nëntor e aktgjykimi i Haradinajt pritet shpallet më 29 nëntor”, ka thënë Daçiq.
Sipas fjalëve të tij, duhet reaguar ndaj vënies së pllakës përkujtimore në qendër të Preshevës.

“Po qe se vëmë pllakë duke nderuar ata që varën policë e ushtarë në jug të Serbisë, atëherë le të themi se ajo nuk është pjesë e Serbisë. Ne nuk kemi dilemë se Presheva e Medvegja janë pjesë e Serbisë, e nëse bashkësia ndërkombëtare ka (dilemë) le të përgjigjet. Mund të ketë nesër përdorim të tepruar force sepse hija e pllakës mund të shkaktojë probleme serioze të sigurisë”, ka thënë Daçiq, trasnemton preshevajone.