Curri vjen për Kosovën, mungojnë Ferati, Nikçi e Ajeti

RajoniPress 07:46, 19 Maj, 2014

/ 2 minuta lexim

Debatik Curri do të debutojë me Përfaqësuesen e Kosovës në ndeshjet ndaj Turqisë e Senegalit. Në anën tjetër, Beg Ferati e Arlind Ajeti do të mungojnë në këto sfida. Begu është lënduar, teksa Arlindi nuk është përgjigjur fare.

Përfaqësuesja e Kosovës në futboll do të ketë një risi për dy ndeshjet e radhës miqësore, ndaj Turqisë dhe Senegalit.

Skuadra ‘verdhekaltër’ në radhët e saj për këto dy ndeshje do ta ketë mbrojtësin e Kombëtares së Shqipërisë, Debatik Curri.

Ky i fundit do t’i bashkohet skuadrës së Albert Bunjakut për ta mbuluar zbraztinë e lënë nga Beg Ferati, i cili pësoi një lëndim këtë fundjavë.

“Jemi takuar me përzgjedhësin De Biasi dhe kemi diskutuar për mundësinë që Debatik Curri të luajë me Kosovën. Ai do të jetë pjesë e jona për këto ndeshje”, ka njoftuar për Express, ndihmës/trajneri i përfaqësueses, Muharrem Sahiti.

Tutje, ky i fundit ka njoftuar edhe për dy mungesa të mëdha që do të ketë Kosova në sfidat ndaj turqve e senegalezëve.

“Ne nuk kemi marrë përgjigje nga Arlind Ajeti. Ndonëse me të dhe familjen e tij jemi marrë vesh se nëse nuk ftohet nga Zvicra të jetë pjesë e jona, mirëpo nuk kemi marrë ndonjë përgjigje”, ka thënë Sahiti.

“As Adrian Nikçi nuk do të jetë pjesë e Kosovës për këto ndeshje”, ka shtuar tutje trajneri gjilanas.

Për fund, Sahiti njoftoi se përveç Anel Rashkajt, mundësi për t’u paraqitur me Kosovën ka edhe Avni Pepa, i cili pritet t’i lajmërojë ata gjerë nesër.

Emrat e pritur të Albert Bunjakut:

Samir Ujkani (Palermo)

Kushtrim Mushica (Prishtina)

Julian Bibelaj (Eintracht Frankfurt II)

Lum Rexhepi (Honka)

Mehmet Hetemaj (Honka)

Debatik Curri (Sevastopol)

Bajram Jashanica (Skënderbeu)