Curri: Në Beograd ishte më zi se në luftën e Kosovës

Debatik Curri e ka krahasuar me luftën në Kosovë tmerrin e përjetuar në Beograd pas ndërprerjes së ndeshjes Serbi – Kosovë.
Futbollisti kosovar i Kombëtares shqiptare, Debatik Curri, ka treguar tmerrin që përjetuan lojtarët e Shqipërisë pas sulmeve fizike të tifozëve serbë ndaj futbollistëve shqiptarë.

“Ne ishim në fushë dhe gjyqtari kryesor, pasi e mbylli ndeshjen, na urdhëroi që të shkonim në zhveshtore. Ne u nisëm me vrap dhe shkuam për të hyrë brenda, por para tunelit dolën tifozët e na sulmuan dhe ishte shumë e vështirë të futeshim brenda. Ishte tmerr i vërtetë. U rrëzuam pothuajse të gjithë dhe unë u ngatërrova në një hekur që ishte në hyrje dhe mbante tunelin:, tha ai.

“Pësova lëndime dhe mund të them se kam qenë shumë në rrezik, sepse ai hekur mund të më lëndonte edhe më shumë, por për fat timin shpëtova vetëm me disa lëndime trupore. Kemi qenë në rrezik të madh”.

“Tash, kur po i shohim xhirimet dhe po e mendojmë se ku ishim, po e vërejmë se sa në rrezik të madh kemi qenë. Unë edhe në luftën e Kosovës kam qenë, por nuk kam përjetuar një tmerr të tillë”, nënvizoi ai, duke theksuar se futbollistët e Shqipërisë kanë shkuar për ta kryer punën e tyre.