Fundamenti

Cooper: Zbatimi i marrëveshjes i vështirë

/ 2 minuta lexim

Diplomati britanik, Robert Cooper, i cili gjatë fazave të ndryshme ka qenë ndërmjetës në dialogun teknik ndërmjet Prishtinës dhe Beogradit, mendon që marrëveshja e arritur në Bruksel është sukses i madh, por që çdo hap në zbatimin e saj do të jetë i vështirë.

“Mbase sfida më madhe është të bind njerëzit në veri të Kosovës se kjo marrëveshje është në interes të tyre. Miratimi i marrëveshjes në parlamentet e të dy shteteve ishte impresionuese, por mendoj që njerëzit në veri nuk janë të bindur që kjo paraqet diçka të mirë për ta, por shpresoj se ata do ta ndryshojnë qëndrimin, pasi që jeta që e kanë jetuar në 10-15 vjetët e fundit nuk ka qenë aspak e lehtë dhe koha është që kjo të përfundojë”, tha Cooper për REL në gjuhën serbe.

UBT

Njerëzit do t’i besojnë kësaj marrëveshjeje vetëm pasi të shohin rezultatet praktike, vlerësoi Cooper.

Diplomati britanik shtoi se të dy palët mund të llogarisin në ndihmë financiare, por edhe në ndërmjetësime rreth detajeve që nuk janë saktësuar me marrëveshje. /Telegrafi/