Çmimi i veçantë, projektit të teksteve në gjuhën shqipe për diasporë
RajoniPress
08:51, 27 Shtator, 2015
Një sukses me vlera në afirmimin e gjuhës shqipe në gjithë Evropën. Gjuhëtari i njohur nga Zvicra, miku ynë i madh, Basil Schader dhe ekipi i tij Nuhi Gashi (MASH Kos), Hazir Mehmeti, pranuan çmimin në Sallën Solemne të Shkollës së Lartë Pedagogjike. nga Jan Sisko (Min. Ars.) dhe Gunther Abuja –Qendra Austriake e Gjuhëve.
Motivi i konkursit, “Gjuhët përmes projekteve cilësore”, ku këtë vit konkurruan 60 projekte prej të cilave u shpërblye Projekti i Teksteve në gjuhën shqipe për diasporë. Ky projekt ishte fryt i bashkëpunimit të Shkollës së Lartë Pedagogjike të Zürich-ut, MASHT- së të Kosovës dhe i mbështetur financiarisht nga Qendra Ndërkombëtare e Fondit për Projekte (IPE), bën të ditur në një njoftim përmes facebook-ut, Hazir Mehmeti.
19 tekstet e këtij projekti tani disa vjet shpërndahen falas për të gjithë nxënësit shqiptarë në mërgatë.
Ekpi i autorëve: Besa Luzha, Hazir Mehmeti, Lush Culaj, Muhamet Ahmeti-Metis, Nexhat Maloku, Nexhmije Mehmetaj, Rifat Hamiti, Rizah Sheqiri, Shefkije Islamaj, dhe Xhevat Syla. Koordinatorë ishin: Arif Demolli, Basil Schader dhe Nuhi Gashi./albinfo/
