Çmimi i bukës nuk zbritet

Çmimi i bukës në pjesën dërrmuese të furrave në Kosovë vazhdon të jetë i njëjtë, pavarësisht se nga një shtatori i këtij viti Qeveria e Kosovës ka ulur Tatimin Mbi Vlerën e Shtuar (TVSH) për bukë në 8 % nga 16 % sa ka qenë më parë.

Drejtuesit e Shoqatës së Mullisëve të Kosovës thonë se çmimin e grurit e kanë zbritur për 6 centë, kurse atë të miellit për 2 centë për kilogram.

Por, kjo ulje e çmimeve të grurit dhe miellit në tregun e Kosovës nuk ka ndikuar fare që furrtarët e bukës t’i lirojnë çmimet e produkteve të tyre.

Ende një bukë në furrat e Prishtinës shitet nga 30 deri në 35 centë. Derisa furrtarët ankohen se lirimi i një kilogrami miell prej 3 centësh nuk është i mjaftueshëm që të zbresin çmimin e bukës, mullisët thonë se miellin zakonisht e shesin në dyqane e jo në furra të bukës./zeri/