Ç’më ka ra nji mall i shkretë

Teksti, muzika dhe interpretimi : Demir Krasniqi

Hej, ç’ më ka ra nji mall i shkretë –
Diçka zemra asht tuj m’ djegë !…
Vendi im kur mu kujtue –
Lotët m’ rrjedhin sikur krue ,
Vaj, medet !

Hej , vend i vjetër n’ atë malësi –
Por i dashtun për njerëzi ,
Për mikpritje e bujari – e ,
Vaj, medet !

Hej, kur u mbledhshim nëpër oda –
Tuj këndue , tuj luejt lojna ,
Tuj ngranë dardha e tuj ngranë molla ,
Vaj , medet !

Hej, lojna t’ vjetra nga këto ana –
“Bati -bat” dhe me “Filgjana “!…
Baci Nel tuj i ra kavallit –
Gurë e dru rrëxonte prej mallit ,
Vaj , medet !

Hej, kur dalshim punës me ia nisë –
Zemra m’ rritej prej kënaqësisë !…
S’ dijshim t’ lodhun prej sevdaje –
Nëpër ara e ndër livadhe –
Vaj , medet !

Hej, kur u mbledhshin çobania –
Qitej pitja , qitej flija !…
Rreth e rreth tuj kullotë bagëtia ,
Binte fyelli e çiftelia –
Vaj, medet !

Hej, djemë e çika tuj mbledhë dredhëza ,
Tuj marue çorapë me vegëza …
Nëpër mrize kur mrizojshin –
Fyelli e kanga nuk pushojshin !
Herë “Cic -Mic ” herë gurapesh ,
Herë qystek , herë “Guracek -e” …
Vaj , medet !

Hej, vendi im , shumë kish ndryshue ,
Trojet , krejt ishin shkretnue ,
Odat , krejt ishin rrënue ,
Lojnat , krejt ishin harrue –
Vaj, medet !

Hej, burrat krejt ishin largue ,
Familjet ishin vetmue …
Mysafërët na kanë harrue ,
Vaj, medet !

Hej, shkova vendet me i kujtue –
Fëmininë ku e kam kalue –
Mali krejt ishte rrallue ,
Pemët e vjetëra ishin rrëzue –
Vaj, medet !

Hej, pemët e reja pa u shortue –
Nuk kem kund me i kërkue !
N’ ara t’ bukës – therrë mbas therre ,
Livadhet janë ba zabele …
Vaj , medet !

Hej, hijet , ku mrizojshin tufat –
Ishin mbushë thera e kaçuba !
Dhenë e lopë nuk kishte ma ,
Kumbonat nuk bijshin ma – e ,
Vaj , medet !

Hej, fyelli e kanga kishin tretë ,
Vetëm zogjët kishin mbetë !…
Ishte ba si vend i shkretë ,
S’ dihen varret ku kanë mbetë -e ,
Vaj ,medet !

Hej , krejt Gollakun e vizitova –
N’ rrasë t’ nji guri u ula e pushova ,
Këtë kangë malli ia kushtova ,
Tue thurë me lotët e mi –
Der’ sa e shfryna zemrën mir’ – e ,
Vaj , medet !

*****Demir KRASNIQI : “SHTOJZOVALLET E GOLLAKUT” – faqe 247, Enti i teksteve dhe i mjeteve mësimore i Kosovës, Prishtinë, 2005 vj.