Clinton: Shqipëria ka bërë hapa madhorë përpara

Prej krijimit të Republikës demokratike, Shqipëria ka bërë hapa madhorë përpara, thotë Sekretarja amerikane e shtetit, Hillary Clinton, me rastin e Ditës Kombëtare të Shqipërisë.

Mëtutje, ajo thekson se në emër të presidentit Obama dhe të popullit të Shteteve të Bashkuara, “është e gëzuar të dërgoj dëshirat më të mira për popullin e Shqipërisë derisa e festoni Ditën e Juaj të Pavarësisë, këtë 28 nëntor”.

“Sot Shqipëria qëndron e gatshme t’i konsolidoj përfitimet dhe të integrohet në Evropë, si e tërë, e lirë dhe në paqe”, thuhet në kumtesën e zonjës Clinton, raporton REL.

Por, sipas saj, “kjo tash kërkon kalimin e reformave të mbetura dhe mbajtjen e zgjedhjeve parlamentare të lira dhe transparente pranverën që vjen, duke e forcuar dhe modernizuar mëtutje demokracinë e Shqipërisë, në mënyrë që ajo tu përgjigjet nevojave të popullit shqiptar”.

Në fund të deklaratës theksohet se “derisa festoni me familjet dhe të dashurit tuaj, duhet ta dini se Shtetet e Bashkuara janë partner dhe mik dhe ne dëshirojmë të ardhme të vazhdimit të miqësisë dhe bashkëpunimit”.

Shpërndaje.
© RAJONIPRESS