Cliff: Më 9 shkurt në Bruksel presim marrëveshje për gjyqësorin në veri

​Ambasadori britanik në Prishtinë, Ian Cliff, thotë se në takimin e 9 shkurtit në Bruksel mes kryeministrave të Kosovës dhe Serbisë, pret që të arrihet marëveshja për gjykatave në Veri.

Ambasadori Cliff, në një intervistë për ‘Dnevnik’ në Serbi, ka thënë se shpresonë se më 9 shkurt, marrëveshja e parë që do të arrihet do të jetë ajo për gjykatat në veri, pasi kjo ishte shumë afër të arrihej para zgjedhjeve në Serbi.

Ai thotë se ende ka shumë punë për t’u përfunduar marrëveshja për energjinë dhe telekomunikacionin, që sipas tij janë çështje komplekse.

Cliff ka përsëritur qëndrimin e vendeve të BE-së, se e ardhmja e rrugës së Serbisë drejtë BE-së, varet nga rezultati i dialogut me Kosovën. Ky rezultat sipas ambasadorit britanik është thelbësor edhe për hapjen e Kapitullit 35 të negociatave të Serbisë me BE-në.

Ai ka folur edhe për ekstremizmin islamik, dhe pjesmarrjen e kosovarëve në luftërat e ISIS. Sipas tij, atje po marrin pjesë edhe shumë qytetarë britanik, njejtë sikurse siç po ndodhë me Kosovën, por thotë të shpreson që parlamenti i Kosovës të miratojë ligjin që ndalon pjesmarrjen në luftëra të huaja të qyetatarëve të Kosovës. (lajmi.net)