Ç`ka premton dhe kush është Naser Ajeti anëtari i KE në FFK?

Gjilan – Në kuvendin zgjedhor të FFK-së, 12 anëtarët e ri të Komiteti Ekzekutiv në FFK, kanë marrë votat e duhura që për 4 vite e ardhshme të jenë anëtar të Komitetit Ekzekutiv.

Anëtarët e ri nga 52 delegat të pranishëm kanë marrë 37 votat për të përfaqësuar rajonet e tyre në FFK.

Rajonin e Anamoravës në Federatën e futbollit të Kosovës për 4 vitet e ardhshme do ta përfaqëson Naser Ajeti.

Por kush është Naser Ajeti ?

Naser Ajeti ka lindur në vitin 1971 në Kumanovë nga një familje atdhedashëse.
Ajeti karrierën futbollistike e filloi në moshën 13 vjeçare në KF C.Zvezda të Gjilanit, me talentin që kishte Ajeti, ai u inkuadrua menjëherë për Juniorët e këtij klubi.

Pas një marrëveshje Ajeti kalon tek KF Drita në skuadrën e parë, por shumë shpejt rikthehet në C.Zvezda në skuadrën e parë si 17 vjeçar.

Karrierën Ajeti e ndërpret për shkak të presionit Serb, kur pushtuesit Serb i larguan të gjithë futbollistët nga fushat e futbollit.

Por, pasi futbollistët shqiptarë filluan përsëri të luajnë, Ajeti menjëherë kyçet në KF Drita, për të vazhduar më pas tek KF Mërgimi në Kumanovë gjatë vitit 1992/93, për tu rikthyer prapë tek KF Drita.

Naser Ajeti gjatë tërë karrierës së tij, krahë të djathtë e kishte vëllaun e tij, Jeton Ajetin, i cili me të madhe ndihmoi shumë për futbollin gjatë viteve të 90-ta, por për familjen Ajeti dhe vet Naserin, ishte një dit e kobshme shtatori i vitit 1997, kur në moshën 28 vjeçare ndërron jetë Jeton Ajeti, për të cilin edhe sot Naser Ajeti gjithçka që bën, e bën për vëllaun e tij Jetonin.

Naser Ajeti nuk u ndal asnjëherë, ai me shumë shokë të tij në vitin 1995 themeluan KF Gjilanin.

Ajeti me talentin që kishte si futbollist ishte përzgjedhur në mesin e 10 futbollistëve më të mirë në futbollin e Kosovës, por edhe ishte shpallur edhe si futbollisti më i mirë në Komunën e Gjilanit.

Ajeti, përpos që ishte si futbollist i cilësisë së lartë, ai gjithashtu kishte edhe kulturë futbollistike ai, Ajeti asnjëherë nuk u ndëshkua më karton të kuq e as të verdhë.

Naser Ajeti pas përfundimit të karrierës me të madhe i ndihmoi, ish-kryetarit të FHK-së Mexhit Devajës, për ndërkombëtarizimin e hendbollit të Kosovës, pas shumë peripetive dhe takimeve të shumta në vitin 2004 në Budapest të Hungarisë në kongresin e saj, FHK bëhet anëtare e EHF-së, kjo njëherit ishte Federata e parë që ishte pranuar në arenën ndërkombëtare.

Si një sportist i vërtet, Ajeti kishte ofertë që të jetë pjesë e KF Gjilani, dhe në vitin 2005/06 u bë drejtor sportivë i KF Gjilanit, por për shkak obligimeve të tija e ndërpret këtë aktivitet.

Me ardhjen e donatorit të ri, Florim Zukës në SC Gjilan në vitin 2017, Ajeti rikthehet në postin e drejtorit sportivë, për hir të respektit që ka për Florim Zukën.

Për tu përfaqësuar në mënyrën më të mirë rajonin e Anamoravës në FFK, Ajeti propozohet nga Lidhja Rajonale e Gjilanit që të jetë anëtar i Komitetit Ekzekutivë në FFK, dhe me vota të mjaftueshme Ajeti dhe 11 anëtar të tjerë nga rajonet e gjithë Kosovës zgjedhën për anëtar të Komitet Ekzekutivë në FFK për 4 vitet e ardhshme.

Pas marrjes së postit të ri, Ajeti ka deklaruar:
“Janë dy persona që kanë vendosur të jem anëtarë në KE në FFK-së, së pari është vllau im Jetoni i cili edhe pse nuk është në mesin tonë tani e 23 vite, ai gjithmonë është frymëzimi im, dhe personi tjetër është Florim Zuka i cili është një njeri me tipare të larta njerëzore, është njeri i fjalës dhe i besës, njeri i cili po mbanë gjallë shumë familje Kosovare dhe i cili i ka dhënë hijeshi futbollit të Kosovës”.

Anëtari i ri i KE në FFK-së, Naser Ajeti, ka theksuar se do të jetë zë i fuqishëm i klubeve të Anamoravës në FFK.
“Në çdo moment do të jem pranë klubeve të Anamoravës, çdo kërkesë e tyre për të mirën e futbollit, do të shqyrtohet. Klubet e Anamoravës nuk do të jenë të vetmuara, ata më kanë votuar dhe unë do të jem zë i fuqishëm për klubet e tyre”.

Për futbollin e Kosovës është jetësore që në mesin e FFK-së të kemi njerëz siç është Naser Ajeti, i cili një jetë të tërë po ja kushton të mirës së sportit e në veçanti futbollit./sylejman ismajli/rajonipress/