Ç`ka porosisin Arbnor Morina e Isa Sadriu?

Gjilan – Tërheqja e shortit për çerekfinalen e Digitalb Kupës së Kosovës në futboll, ka bërë që shumë skuadra qerekfinaliste të shohin skuadrat e tyre në gjysmëfinale.

I menjëhershëm ka qenë reagimi i njeriut të parë në stol tek Gjilani, Arbnor Morina.

“Duhet theksuar se skuadër të dobët nuk ka, Kosova e Vushtrisë është një skuadër me futbollist shumë cilësor mbi 90 përqind janë të Superligës, ndërsa edhe pozita në tabelën e Ligës së Parë dëshmon se kemi të bëjmë me një skuadër shumë të fort, çka u dëshmua duke eliminuar Lirinë e Prizrenit. Ndërsa shumë respekt edhe për trajnerin Isa Sadriu, i cili po bën një punë të shkëlqyer në Vushtrri.

Respekt për kundërshtarin, por kësaj radhe do t’ja dalim me fitore, unë besoj fuqishëm në futbollistët e mijë me të cilët jemi bërë si një familje dhe tifozët “Skifterat” të cilët po dëshmojnë se gjithmonë janë përkrah klubit të tyre”.

Trajneri i Kosovës së Vushtrrisë, Isa Sadriu, i cili ka arritur të komponoj një skuadër shumë cilësore me shumë sinqeritet ka theksuar.
“T’ju them të drejtën nuk kam pasur dëshirë të kem kundërshtar Gjilanin, jo nga frika por nga respekti që kam për këtë klub, t’ju them të drejtën Gjilanin e kam klub të zemrës, por kështu është sporti nganjëherë na ndanë pa dëshirë, por duhet kuptuar ne jemi profesionist dhe duhet në atë mënyrë t`ju qasim punëve tona, do të jetë një ndeshje shumë e bukur do të luhet futboll cilësor, vlerësoj edhe trajnerin Arbnor Morina i cili po bën një punë tejet të madhe me Gjilanin, por është e sigurt njëra skuadër me rëndësi do të jetë gjysmëfinaliste dhe uroj të jenë edhe fituese të Kupës së Kosovës”./rajonipress/