Çka ka vendosë Linda Halimi?

​Këngëtarja e njohur Linda Halimi e cila tash e një kohë po jeton jashtë trojeve tona, në Amerikë, ka kohë që merret seriozisht me palestër ku edhe ka arritur rezultat marramendës.

Ndonëse Linda duket se ka arritur atë që ka dëshiruar, kjo nuk po i pëlqen edhe të tjerëve. Derisa në disa portale është shkruar se ajo rrezikon të fitojë anoreksinë, Linda në faqen e saj zyrtare në ‘facebook’ bën shaka se e ka në plan t’i shtoj 15 kilogramë.

“Kam vendos me i shtu diku 15 kg”, ishte mbishkrimi i këngëtares. Të ju kujtojmë se Linda përveç se ushtron për vete, ajo tashmë është bërë edhe instruktore dhe ndihmon pa kursyer veten e të gjitha vajzat që dëshirojnë të arrijnë linja elegante.

Ndërkaq Linda ditë më parë ka shkruar se do të vijë në vendlindje, edhe pse nuk ka dhënë ndonjë detaj, në qoftë se ardhja e saj ka të bëjë me ndonjë projekt të ri.