Çka fitoi Leonora për 20 vjet karrierë…

“Një këngë është një kujtim, një histori, një film… Një këngë jeton shumë më gjatë se njerëzit, kështu që duhet parë me përgjegjësi”, janë këto fjalë të ikonës së muzikës e të bukurisë shqiptare, Leonora Jakupi, të thëna gjatë një interviste të mëhershme për “Kosovaren”.

“Unë, kur krijoj, kur bëj këngë, mendoj edhe në ata që do e dëgjojnë pas disa vitesh. Nëse dëgjoj një pesëvjeçar që këndon fjalë nga këngët e mia: “A vritet pafajësia”, “Ma ngatë” ose edhe kënga “Pushkë e çifteli”, gëzohem dhe them: E fitova edhe këtë brez! Kënga ime do jetojë gjatë”.

Leonora e di se një këngë, që është e mirë, kalon breza të tërë, ndaj secilën këngë e punon dhe e këndon me përkushtim e përgjegjësi të madhe.