Çka duhet të hani dhe të pini para dhe pas vrapimit

Nuk mund të vraponi pa e pasur ‘karburant’ në trupin tuaj! Nëse veç jeni duke u përpjekur të krijoni një shprehi të vrapimit, shumë gjëra janë të dobishme në fazën fillestare, duke përfshirë gjetja e atleteve të duhura, plani stërvitor dhe vetëdijesimi se si t’i shmangni lëndimet.

Por nëse do të filloni të vraponi rregullisht, është esenciale të mësoni se çfarë të hani dhe si të hidratoheni në mënyrë të duhur.Para secilit vrap, është e rëndësishme të siguroheni se keni mjaft energji. Ndërkaq pas vrapit, shujta e duhur i ndihmon muskujt të rikuperohen dhe të forcohen.

Roberto Mandje është vrapues profesionist i cili kishte marrë pjesë në garat Olimpike të vitit 2004, dhe këto janë këshillat e tij sa i përket asaj se çfarë duhet të hani dhe të pini para dhe pas vrapit.

Hidratohuni siç duhetKur është fjala për hidratim, sigurohuni të konsumoni sasi të mjaftueshme të ujit përgjatë ditës në vend se të pini shumë ujë vetëm para vrapimit.

Ndonëse rregulli i përgjithshëm për hidratim është se duhet të pini mjaftueshëm sa për të mos u ndjerë të etur, nëse jeni duke vrapuar rregullisht ju duhet të pini më shumë se aq, edhe nëse nuk ndiheni të etur.Eksperti rekomandon të pini deri në gjysme litre ujë një orë para vrapimit, dhe ndoshta 0.1 litër tjetër menjëherë para vrapimit.Nëse do të vraponi herët në mëngjes, ai sugjeron të pini ujë një natë para vrapit.

Gjithashtu duhet të pini ujë edhe pasi të ktheheni nga vrapimi, sepse Mandje thotë që mund të humbni më shumë lëngje se ç’mendoni, e posaçërisht gjatë temperaturave të larta.

Hani për të vrapuarNdonëse ka disa mënyra për ta përmirësuar performancën atlete, një dietë e cila i balancon karbohidratet, proteinat dhe yndyrat dhe që përfshin shumë pemë e perime zakonisht rekomandohet për personat që vrapojnë.Disa vrapues, si ultra-maratonisti Zach Bitter, kanë gjetur suksesin në një regjim ketogjenik që përfshin ushqime me sasi të larta të yndyrës dhe të vogla të karbohidrateve.

Por për shumicën e njerëzve, shkencëtarët e sportit kanë zbuluar se karbohidratet komplekse janë karburant i rëndësishëm ushtrimor.

Madje pajtohet me këtë konstatim, ku sugjeron që para një vrapimi të gjatë të hani oriz të kaftë ose spageti.Ndërkaq pas vrapimit, ai thotë të hani ushqime me proteina.“Ju keni një hapësirë kohore 30-minutëshe ku trupi është më së miri i përgatitur për të pranuar proteinë për ta riparuar dëmin e muskujve”, thotë ai.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).