Çka deklaruan pas derbit, Munishi e Nuhiu

SC Gjilani ka fituar ndeshjen derbi kundër Dritës me rezultat 0-2. Pas fitores së pare në derbi, trajneri i Gjilanit, Ismet Munishi, deklaroi.

“Kemi pasur ndeshje që i kemi luajtur më mirë se sot dhe nuk kemi arritur të fitojmë. Por kur angazhohet kështu skuadra vjen rezultati. Puna që kanë bërë lojtarët në fushë solli rezultatin e kësaj ndeshje. Unë jam Jose Mourinho në këtë ligë, kanë ardhur e kanë shkuar shumë trajnerë por unë jam këtu. Dimë të rikthehemi, jemi luftëtar. Kemi pas presion të rezultateve pas disa ndeshjeve jo të mira”, deklaroi Munishi, ndër të tjera.

Ndërsa, trajneri i Dritës, Ardian Nuhiu, pas humbjës deklaroi. “Një pjesë e parë e ekuilibruar, pak diçka ishim më mirë, por jo mjaftueshëm, por në pjesën e dytë në momentin më të mirë tonin, pësuam”. “Pastaj ishim edhe me një lojtar më pak, djemtë e dhanë maksimumin, krijuan për të shënuar, por thjesht nuk arritën të realizojnë. Kishim mjaftueshëm për të marrë më tepër, por ky është futbolli. Për këtë ndeshje marr përgjegjësi unë”./rajonipress/