Çka deklaroi Viktor Kuka pas ndeshjes?

Dy fitoret e Dritës ndaj Santa Coloma dhe Lincolit nga Gjibraltarit, ka bërë që “bardh e kaltërit” e Dritës të kualifikohen në rrethin e parë të kualifikimeve të Ligës së kampionëve.

Për mbrojtësin e djathtë dhe të pa kompromis, Viktor Kuka, këto fitore të skuadrës së tij janë historike dhe emocionale për futbollin e Kosovës.

“Është një emocion i veçantë i papërshkrueshëm kur bën diçka të re për klubin dhe shtetin ku jeton. Jemi krenar që shtetin e Kosovës e kemi bërë krenar me paraqitjet tona, urojë që të vazhdojë kjo ëndërr e jona sa më shumë që është e mundur”, ka bërë të ditur Kuka.

Kuka nuk ka harruar as tifozët “Intelektualët”, ai ka një porosi të veçantë për ta.
“I gjithë ky sukses i Dritës nuk do të ishte arritur pa përkrahjen e “Intelektualëve”, të cilët kanë besim të madh në punën tonë. Së bashku me ta ne nuk do ti ndalmi sukseset”.

Skuadra e Dritës ndeshjen e parë të kualifikimeve me skuadrën suedeze, Malmo, e zhvillon me 10 ose 11 korrik.

Takimi i parë zhvillohet në stadiumin “Adem Jashari” në Mitrovicë./rajonipress/