Uji Dea

Çitaku: Në raport me Serbinë nuk duam që Kurti të dështojë

/ 1 minutë lexim

Nënkryetarja e Partisë Demokratike të Kosovës, Vlora Çitaku, ka thënë se ani pse partia e saj nuk pajtohet pothuajse asgjë me Kryeministrin e Republikës së Kosovës, Albin Kurti, nuk duan që ai të dështojë në raport me Serbinë.

Këtë, nënkryetarja e ka thënë përmes një shkrimi të publikuar në rrjetin social Facebook.

Uji Dea

“Kosova është atdheu ynë i përbashkët. E Kosova sot po kalon ditët më të rënda që nga shpallja e pavarësisë. Me Albin Kurtin nuk pajtohemi pothuajse për asgjë. Madje nuk pajtohemi as me menaxhimin e situatës këto ditët e fundit. Megjithatë, për ne, si parti politike shtetndërtuese, Kosova vjen para kalkulimeve të ngushta elektorale. Në raport me Serbinë, ne nuk duam që Kryeministri i Kosovës të dështojë”, ka shkruar ajo.

Çitaku ka shtuar se përveç komunikimit të nevojshëm midis Qeverisë dhe opozitës, nevojitet edhe koordinimi me aleatët ndërkombëtarë.