Çitaku – Kurtit: Me të thanë vëlla, nuk është fyerje, çelsat e dyerve të shkollave i keni në dorë ju

Nënkryetarja e PDK’së, Vlora Çitaku, ka reaguar ndaj kryeministrit Albin Kurti, pasi tha se kreu i SBASHK’ut, Rrahman Jashari e quajti vëlla në takim e sotëm që patën.

Çitaku përmes një shkrimi në rrjetin social Facebook tha se të quajë dikush motër e vëlla nuk është fyerje.

“Ndërkohë, tendenca me i nda mësueset në një tabor, e prindërit në një tjetër është fyese. Kryeministër, të garantoj që asnjë prej mësuesve nuk i ka fëmijët as në shkolla private, e as në Norvegji”, shkroi Çitaku.

Ajo kërkoi nga Kurti që të gjejë zgjidhje sa më shpejtë për ndaljen e grevave.

“Ulu, bisedo, gjejë zgjidhje. Çelsat e dyerve të shkollave i keni në dorë ju, kryeministër”.

Shpërndaje.
© RAJONIPRESS