Fidanishtja

Çitaku: Kurti po synon ta përçajë shoqërinë deri në palcë

/ 1 minutë lexim

Nënkryetarja e Partisë Demokratike të Kosovës (PDK), Vlora Çitaku, ka reaguar sot për mos-plotësimin e kërkesave të mësimdhënësve nga qeveria.

Çitaku përmes një statusi në rrjetin social në Facebook ka shkruar se kryeministri i Kosovës, Albin Kurti, po synon ta “përçajë deri në palcë shoqërinë kosovare”, teksa potencoi se shkollat vazhdojnë të qëndrojnë të mbyllura.

“28 shtator 2022. Fëmijët janë ende në shtëpi. Shkollat e mbyllura. E kryeministri me kryeneçësi dhe indiferencë vazhdon t’i përbuzë mësueset dhe mësuesit tanë. Po synon ta përçajë deri në palcë shoqërinë”, ka thënë ajo.

Fundamenti

Sipas saj, kjo është Republika e tretë që e synon kryeministri, Albin Kurti.

“Me sindikata të reja, të cilat i nënshtrohen atij. Me media të reja, të cilat i nënshtrohen atij. Me biznese të reja, të cilat i nënshtrohen atij. Kryeministri don ta bëjë Kosovën të pajetueshme për secilën dhe secilin njeri që nuk pajtohet me të”, ka shkruar Çitaku në Facebook duke shtuar se “Kjo mendësi nuk kalon”. /Telegrafi/