Çitaku kritikon Kurtin: S’është detyrë e kryeministrit të analizojë zyrtarët italianë
RajoniPress
13:35, 3 Mars, 2024
Kryeministri i Kosovës, Albin Kurti dha dje një intervistë për një medium italian, ku ndër të tjera përmendi edhe homologen e tij, Giorgia Meloni.
Për këtë gjë ka reaguar nënkryetarja e PDK-së, Vlora Çitaku, e cila ka thënë se Kurti sillej si analist i pavarur për çështjet e Italisë, raporton Zeri.info.
“Imagjinojeni, Kryeministri i Kosovës jep intervista e sillet si analist i pavarur.
Në një intervistë për mediumet italiane, sukseshëm paska arritur të fyej edhe Kryeministren e Italisë Meloni, dhe zv Kryeministrin Salvini.
Nuk është detyrë e Kryeministrit të Kosovës t’iu bëjë analizë ideologjike zyrtarëve italianë. Aq më pak publikisht.
Detyrë e tij është fuqizimi i raporteve të Kosovës me botën.
Po kam dëshirë me besu që është ndonjë lëshim nga ana e gazetarit”, thuhet në reagimin e tij. /Zëri
