“Cirku” i Komunës në qendër të qytetit

Gjilan – Në qendër të qytetit dhe para teatrit të qytetit ndodhet një lodër argëtuese e fëmijëve e cila është shndërruar në pengesë dhe në bezdi për kalimtarët e rastit. Dikush e quan “Cirku i komunës” e dikush “Cirku i Lutës”. E keqja është se ky cirk ka leje nga vet komuna.

Një lodër bukur transparente tash e sa kohë ndodhet në platonë e teatrit të qytetit. Ky Cirk që po quhet nga qytetarët herë “Cirku i Komunës” e herë “Cirku i Lutës” ndodhet jo pak metra larg zyrës së Lutfi Hazirit.

E keqja është se Cirku ka leje nga drejtoria e shërbimeve publike. Sokol Haziri drejtor i shërbimeve publike tha për rajonipress se ka leje dhe pëlqim kjo lodër argëtuese për fëmijët.

Qytetarët ndërkaq janë të revoltuar dhe të indinjuar që në qendër të qytetit dhe në platon e teatrit lejohen lodra të tilla./rajonipress/