Çiljeta: Kam 10 vite që agjëroj

Këngëtarja e njohur, Çiljeta Xhilaga, është përfolur mjaft shumë vitin e kaluar për shkak të një postimi në rrjetet sociale.

Ajo kishte shkruar rreth fesë islame dhe se si ajo pret që të agjërojë muajin e shenjtë të Ramazanit. E ftuar në Ftesë në 5 të Top Channel, Çiljeta ka treguar më shumë rreth kësaj teme, teksa tregon edhe se si falet.

“Është një natë që nuk duhet humbur sepse ne e presim gjithë vitin që të vijë. Edhe ato që nuk dinë të falen, sugjeroj të rinjtë të vendosin sot kokën në sexhde (pjesë e riteve fetare islame) dhe të luten, sikurse dhe një bismilah. Dëgjoj shumë të rinj që thonë jo po nuk di të falem dhe është e vështirë për të mësuar rekatet e namazit. Lutjet kryesore që unë them, janë që të kem një fëmijë të mirë, të jemi mirë me shëndet dhe të na ruaj zoti nga çdo gjë e keqe”, ka theksuar këngëtarja.

Më tej, Çiljeta deklaroi se kjo nuk është hera e parë që ajo agjëron dhe se e mban Ramazanin qe 10 vite.

“Nuk është se kam ndryshuar unë kështu kam qenë gjithmonë, kam kuptuar që ne jemi në dorën e Zotit, jemi kalimtarë, ta kalojmë ditën duke qeshur. Sa më shumë të jenë njerëzit me namaz, aq më mirë do të ishte. Unë kështu kam qenë prej vitesh, nuk është hera e parë që agjëroj, kam 10 vite që e bëj”, është shprehur ajo.

Vitin e kaluar këngëtarja ka fshirë tatuazhin në formë kryqi, duke u kthyer plotësisht nga feja myslimane. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).