Cilat klube po e kërkojnë Milot Rashicën dhe a do të largohet nga Bremeni?

Futbollisti shqiptar, Altin Lala, ka qëndruar gjatë fundjavës në Prishtinë. 43-vjeçari që është menaxher i futbollistit Milot Rashica, ka treguar se 22-vjeçari, me paraqitjet e tij ka tërhequr vëmendjen e klubeve më të mëdha në Evropë.

“Miloti me të vërtetë ka tërhequr vëmendjen e shumë klubeve të mëdha në Evropë. E rëndësishme është që po luan shumë mirë. Ka akoma për t’ u përmirësuar në disa aspekte, të arrijë nivelin më të lartë. Ajo është detyrë tjetër. A do të ketë lëvizje? Nuk mund të them 100%. Në Bremen e ndjen veten shumë mirë dhe do të ishte mirë të luante edhe një vit atje. Kanë ngelur edhe disa ndeshje në Bundesligë. Klubet shohin shumë potencial te Miloti”, deklaroi Lala për Supersport.

Lala është i kënaqur me formën e Rashicës, por sipas tij, kosovari ka kapacitet për t’u bërë edhe më i mirë.

“Miloti është duke bërë jashtëzakonisht mirë, nga janari ka filluar të luajë shumë mirë. Është në rrugën e duhur dhe mendoj që do të bëhet shumë më i mirë, shpresoj dhe besoj. Kjo po i kënaq tifozët, e vetë shqiptarët që jetojnë në Gjermani, por edhe në Shqipëri e Kosovë”, deklaroi Lala.

Cilat klube po e kërkojnë Milot Rashicën dhe a do të largohet nga Bremeni?

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).