Cila më e vjetër

Nuk di, Kush dhe kur e zbuloi Amerikën, Vetëm e di, Se unë e zbulova buzëqeshjen tënde

Nuk di
Kush pushtoi dhe shkeli Hënën
Vetëm e di
Kush më pushtoi mua dhe shkeli fatin tim

Nuk di
Qe sa kohë kanë urrejtje Izraeli me Palestinë
Vetëm e di
Se dashuri të kam ofrue që në Antikë

Nuk di
Nëse pati gisht zoti në përmbytjen e Atlantidës
Vetëm e di
Kush po e (për)mbyt dashurinë time

Nuk di
Kush sulmoi e shembi kullat binjake
Vetëm e di
Jo dashuria ndaj zotit por urrejtja ndaj njeriut

Nuk di
Nëse Majat kanë të drejtë për apokalipsën
Vetëm e di
Se urrejtja ndaj njeriut është apokalipsa vet

Nuk di …… asgjë nuk di
Nuk di
Cila më e vjetër është urrejtja apo dashuria

TË JETOSH

Olti Arifit
Do të jetosh Olti
Vetëm bëjë fluturimin e parë
Përtej shtatë bjeshkëve e përtej detit
Shko atje larg e gjeje
Ku flenë ëndrra për jetën
Kur të shohësh shumë ujë

Mos u frigo fare
Se gjyshi not e ka kaluar
Netëve të errëta mos u tremb
Kur të shohësh dritë
Është hëna që të ruan
Se unë e kam porositë

Xhaxhi do ta ndez oxhakun në kullë
Që të mos jetë fikur
E do ta rrëfej historinë e kullës shqiptare
E ti ulur këmbëkryq do të rrëfesh
Melodramën e jetës dhe
Simfoninë e qëndresës personale

Kur të kthehesh do e sjellësh pranverën
Që Zabeli i Zeqës të jetë bleruar
Shumë pranvera do të plakësh
Në vrapin pas fluturave
Rrugicave të fshatit e fushave të gjelbruara
Vetëm bëje fluturimin e parë
Olti do të jetosh

SHPRESA E PRITJES

Unë po bisedoja me Beketin
Për pritjen për Godonë
Prenk Gjetaj ulur këmbëkryq
po i thoshte merhaba pritjes
e po bënte planin e
e gjetjes së të pagjeturve
Në murin e lotëve
Lot ankth e pikëllim
Emër e mbiemër identitet
Histori i shkruar e palexuar
Dhunshëm në dhe mbuluar

A do të vijnë a do ti sjellin
Shikimi i nënave motrave fëmijëve mbetet
Shikimi i turbullt në rrugët e (pa)kthimit
Penelopë moderne po thurte
shpresën e pritjes
Odiseu modern hedh gurin
përtej gurit të Mujë Bylykbashit
për të mundur këtë shpresë pritjeje

Nënat duan ta vendosin një gur varri
E unë dua ti vendos një gur pritjes
Kujdesi për ajrin
Nuk di bazuar në cilat ligje
Më thanë shko në Tasligje
Kujdesu për ajrin

E Unë Taukbashqe
Po e shëtisja qenin për dore
E doja ta pushtoja malin e Sharrit prore
Qyteti po flinte me drita fikur
Hëna ngjyrë portokalli
Prej lart sodiste nga malli.
E unë në malin e kotur
Po kërkoja varr
Për shpresën e pa fikur

Në Dardani binin daullet
Mbi një akacie korbat e zi
Po i çukisnin lulet
Gjithkund e gjithkah
Po flitet për ngrohje globale
Vasha vazhdonte të krihej në dritare
E Unë majë majës malit
me guximin e djalit

Doja t’ua mësoja këngën zogjve të malit
Një shi i harlisur vazhdonte të lagë
Tokën e qullur nga djersët
E unë, Unë kujdesesha për ajrin.

Kujdesi për ajrin

Nuk di bazuar në cilat ligje
Më thanë shko në Tasligje
Kujdesu për ajrin
E Unë Taukbashqe
Po e shëtisja qenin për dore
E doja ta pushtoja malin e Sharrit prore

Qyteti po flinte me drita fikur
Hëna ngjyrë portokalli
Prej lart sodiste nga malli.
E unë në malin e kotur
Po kërkoja varr
Për shpresën e pa fikur

Në Dardani binin daullet
Mbi një akacie korbat e zi
Po i çukisnin lulet
Gjithkund e gjithkah
Po flitet për ngrohje globale
Vasha vazhdonte të krihej në dritare
E Unë majë majës malit
me guximin e djalit

Doja t’ua mësoja këngën zogjve të malit
Një shi i harlisur vazhdonte të lagë
Tokën e qullur nga djersët
E unë, Unë kujdesesha për ajrin.

Fadil Abazi