Cila është vlera e super talentit që iu bashkua Kosovës?
RajoniPress
22:28, 21 Qershor, 2019
Florent Muslija edhe zyrtarisht i është bashkuar Kosovës. Ai do të jetë pjesë e “Dardanëve” në ndeshjet e shtatorit kundër Anglisë dhe Çekisë.
Pas Florent Hadërgjonajt, Ylldren Ibrahimajt dhe Ibrahim Dresheviqit, që iu bashkuan Kosovës në qershor – një tjetër futbollist nga shtatori do ta veshë fanellën e Dardanëve.
Bëhet fjalë për mesfushorin ofensivë të Hannoverit, Florent Muslija, raporton Gazeta Express.
Musliaj është takuar gjatë ditës së premte me kryetarin e FFK-së, Agim Ademi dhe është nënshkruar marrëveshja për t’iu bashkuar Kosovës.
0-vjeçari i lindur në Gjermani është pjesë e Hannoverit, skuadër me të cilën edicionin që lamë pas shënoi dy gola në 17 paraqitje.
Muslija, pas golit me Hannoverin ne Bundesliga në sezonin 2018/19
Sipas “Transfermarkt”, vlera e 20-vjeçarit është 3 milionë euro.
Muslija është lojtar me të ardhme të ndritur. Ai ka kontratë me Hannoverin deri në qershor të vitit 2022. /Gazeta Express/
