Cikalleshi po e ndjek Manajn, shënon dy gola në Superligën e Turqisë

Sulmuesi i Kombëtares së Shqipërisë, Sokol Cikalleshi ka shënuar dy gola në Superligën Turqisë me fanellën e Konyasporit.

Cikalleshi shënoi dy gola në barazimin 2:2 ndaj Adana Demirspor, në ndeshjen e vlefshme për javën e 29-të, shkruan Indeksonline

Dy golat lojtari shqiptar i shënoi në pjesën e parë nga pika e bardhë e penalltisë. Madje një prej tyre e realizoi me stilin “panenka”.

Me këto dy gola, Cikalleshi shkon në kuotën e 11 shënimeve këtë edicion, katër më shumë ka Rey Manaj (15), kurse listës i prinë sulmuesi boshnjak, Edin Dzeko me 18 gola./Indeksonline/