Cikalleshi, Bytyqi e Daci nuk arritën ta shmangin humbjen e Konyas ndaj Trabzonsporit
Konyaspori është mposhtur në udhëtim te Trabzonspori në takimin e vlefshëm për javën e 20-të në Superligën e Turqisë, shkruan “Zeri.info”.
Trabzonspori fitoi me shifrat 3:1 ndaj Konyasporit, në një ndeshje ku luajtën tre futbollistët shqiptarë.
Zymer Bytyqi u inkuadrua në fillim të pjesës së dytë për Konyasporin, ndërkaq nga minuta e parë në fushë ishte sulmuesi i Kombëtares shqiptare, Sokol Cikalleshi.
Ky i fundit u largua në pjesën e dytë, saktësisht në të 65-tën minutë, duke ia liruar vendin lojtarit tjetër shqiptarë, Erdon Dacit.
Përkundër se nuk ishin të plotë, lojtarët shqiptarë nuk arritën ta ndalojnë këtë disfatë.
Konyaspori ndodhet në vendin e 14-të me 22 pikë, ndërkaq Trabzonspori është e shtata me 30 të tilla. /Zeri.info