Çifti Berisha bien në dashuri çdo ditë

Mbesa e kryeministrit të Shqipërisë Sali Berisha, e bija e Argitës, Dasara Malltezi ka treguar përmes një postimi në “Facebook” anën njerëzore të njeriut të hekurt, që udhëhoqi Shqipërinë në tetë vitet e fundit.

Ajo ka treguar se me gjithë obligimet si kryeministër, Berisha gjithmonë ka gjetur kohë për të qenë edhe gjysh i dashur dhe përkrahës i nipërve.

“Njeriu që gëzohet më shumë se dhe vetë unë, kur arrij ndonjë gjë sado të vogël është gjyshi im”, ka shkruar ajo në Facebook, derisa ka thënë se gjyshja, Lili i ka përgatitur asaj ushqimet më të mira që ka provuar ndonjëherë derisa për të ajo është gjyshe, nënë dhe shoqe.

Ndërkohë ajo ka treguar se ka një familje të mrekullueshme derisa gjyshërit e saj Sali dhe Liri Berisha dashurohen çdo ditë.

“Për shumë njerëz ky është thjesht një çift ku figura politike lë në sfond çdo gjë tjetër. Epo ja diçka jopolitike që do t’ju ndryshojë mendimin! Ky çift ka qenë i martuar për 42 vite dhe akoma kanë atë dashuri sikur të jetë dita e parë. Bien në dashuri me njëri-tjetrin çdo ditë nga e para. Është diçka shumë e rrallë!”, ka vazhduar më tej ajo me postimin në Facebook.