Chelsea dhe Man Utd përcjellin Rrahmanin

Mbrojtësi kosovar, Amir Rrahmani, do të vëzhgohet nga skautët e Manchester Unitedit, Chelseat dhe Sampdorias.

Mbrojtësi prishtinas do të jetë nën vëzhgimin e ekipeve të mëdha angleze në ndeshjen kundër Dinamo Zagrebit, njoftojnë mediet kroate. Rrahmani, që nga kalimi te RNK Split ka shkëlqyer duke qenë një ndër lojtarët më të mirë në ekipin e tij.

Falë formës që është duke e kaluar, mbrojtësi 22-vjeçar ka ngjallur interesim edhe të skuadrave të tjera evropiane.