Challandes: Humbja nga Maqedonia e Veriut ishte e vështirë për t’u tretur, ishim përgatitur tre vjet për atë ndeshje
RajoniPress
16:14, 29 Dhjetor, 2020
Trajneri i Kosovës, Bernard Challandes, është rrëfyer për mediumin zviceran “Letemps.ch” në lidhje me periudhën me pandemi dhe atë të rezultateve të “Dardanëve” gjatë këtij viti.
Gjatë këtij viti Kosova dështoi të kualifikohet në “Euro 2020” pas humbjes në fazën “playoff” të Ligës së Kombeve nga Maqedonia e Veriut, shkruan “Zeri.info”.
Gjithashtu, djelmoshat e Challandesit e mbyllën ciklin në Ligën C të Kombeve në vendin e tretë në grupin përkatës.
“Unë e përjetova këtë vit në dy mënyra. Si qytet, baba i një familjeje, gjysmë, nuk e kam përjetuar shumë keq. Jam me fat që jetoj në fshat. Nuk ka ndryshuar shumë jeta ime”, ka thënë fillimisht Challandes.
“Në nivelin e futbollit isha paksa i irrituar. Kishim ndeshjen me Maqedoninë e Veriut, për të cilën punova tre vjet. Kam kaluar kohën duke bërë telefonata. Në ndeshje ishim pa tre lojtarët tanë kryesorë”, tregoi ai.
“Kisha këtë ndjenjë padrejtësie. E gjithë Kosova e përjetoi këtë si një humbje të madhe. Kishim pritje të mëdha, ishte e vështirë për t’u tretur”, potencoi trajneri zviceran. /Zeri.info
