Ç`farë po ndodhë me hyrje daljen e Prishtinës, pse mbeti jetimë kjo rrugë

Gjilan – E njohur si rruga e Prishtinës në dalje të Pasjakut punimet janë ndërprerë ka dy vite dhe askush nuk e debaton më mungesën e punimeve.

E nisur në kohën e Avdullah Hotit rruga në dalje të Pasjakut tashmë i takon të kaluarës dhe arkivit. Askush nuk merret me këtë problem dhe askush nuk e qan kokën pse kanë ngecur punimet.

Banorët që jetojnë ose kanë dyqane afër kësaj rruge thonë se tashmë gjithçka është tepruar.

Bedriu një banor i kësaj pjese rrugore thotë se nuk e ka të qartë pse po eksperimentohet me qytetarë.
“Dikush nga kjo qeveri duhet të na tregojë pse kanë ngecur punimet dhe kush janë përgjegjësit ose penguesit e këtij projekti” shprehet ai.

Fadili një tjetër banor mendon se gjithçka është tepruar rreth kësaj rruge.
“Vet jam në LVV dhe e kam votuar Albin Kurtin, ama kjo është tragjedi e fatkeqësi çka po ndodhë me këtë rrugë. Po na pengon në punë, në biznes dhe në çdo gjë që lidhet me jetën tonë” shprehet Fadili./rajonipress/