Çfarë po ndodh me Zhegrovën, 14 ndeshje, 66 minuta

Futbollisti shqiptar ka pasur pak minuta për skuadrën e Baselit në këtë sezon.

Njëri nga futbollistët më të talentuar të Kosovës është konsideruar Edon Zhegrova. Ai nuk kishte shumë minuta në Genk dhe për këtë arsye u huazua për një vit e gjysmë në Basel, shkruan albinfo.ch.

Por, sidoqoftë, Zhegrova ka pasur pak minuta në skuadrën e Baselit. Në përballjen e fundit ndaj Young Boys nuk ishte ftuar fare.

Në përgjithësi, Baseli ka zhvilluar 14 ndeshje në këtë sezon, duke përfshirë Superligën e Zvicrës, Kupën dhe garat evropiane.

Nga të gjitha këto ndeshje, Zhegrova është aktivizuar vetëm 65 minuta. Këto minuta i zhvilloi në tri ndeshje, duke hyrë në pjesën e dytë, kurse në takimet tjera ka qenë në bankën rezervë, ose nuk është ftuar fare.

Ai është i huazuar deri në fund të këtij sezoni dhe më pas do të kthehet në skuadrën belge.

https://www.albinfo.ch/cfare-po-ndodh-me-zhegroven-14-ndeshje-66-minuta/

Shpërndaje.
© RAJONIPRESS