Çfarë këshillash i ka dhënë Cana Taulantit për duelin me vëllain e tij?

Derbi shqiptarësh por derbi edhe në familjen Xhaka, kështu konsiderohet sfida mes Shqipërisë e Zvicrës.

Të shtunën, duke filluar nga ora 15:00, Shqipëria debuton në Kampionatin Evropian me përballjen ndaj Zvicrës së shqiptarëve, ndeshje kjo e veçantë për familjen Xhaka, pasi vëllezërit Granit e Taulant Xhaka luajnë kundër njëri tjetrit.

“Familjen e Taulantit dhe Granitit kam më shumë se 20 vjet që e njoh dhe janë njerëz të mrekullueshëm. Kam një respekt të madh për ta. Të gjithë do të dëshironin që edhe Graniti të ishte me ne. Me Taulantin bëj shaka dhe batuta. Ai ka një eksperiencë të madhe dhe nuk ka nevojë që të flas me të për sfidën ndaj Granitit”, ka thënë Cana.

“Në krahasim me dy ndeshjet e shkuara ndaj Zvicrës shumë lojtarë ndryshojnë por nga e kaluara duhet të mësojmë për ta shfrytëzuar në të tashmen. Duhet të jemi shumë të përgatitur. Si ne dhe Zvicra jemi rritur shumë gjatë këtyre dy viteve”, shtoi kapiteni i Kombëtares shqiptare. /Express/