Çfarë duhet të konsumojmë për të balancuar sheqerin në gjak

Një nga temat më të diskutuara për mirëqenien është niveli i glukozës, ose i quajtur ndryshe sheqeri në gjak.

Nivelet e sheqerit ndikojnë në shëndetin tonë duke na zgjuar gjatë natës, duke shkaktuar uri të papritur, ndryshime humori dhe lodhje. Për më tepër, ato ndikojnë në parandalimin e sëmundjeve kronike.

Specialistja e mjekësisë funksionale dhe nutricionistja Leona West Fox, na shpjegon rëndësinë e balancimit të sheqerit në gjak:

“Balancimi i sheqerit në gjak ndihmon në rregullimin e niveleve të energjisë dhe funksionit optimal të trurit. Ai gjithashtu luan një rol kyç në parandalimin e sëmundjeve kronike si diabeti, demenca, sëmundjet kardiovaskulare dhe kanceri.”

Për të arritur balancimin e sheqerit në gjak, dieta është thelbësore. Leona sugjeron një kombinim të thjeshtë për të krijuar një vakt të ekuilibruar:

1. Fibra të larta: angjinare, avokado, bishtajore, lakra Brukseli, brokoli, farat chia, thjerrëza, tërshëra, dardha, quinoa, mjedra, bizelja e ndarë.
2. Proteina: bajame, gjizë, pulë, vezë, kos grek, mish i kuq pa yndyrë, thjerrëza, farat e kungullit, salmon, tofu, gjeldeti.
3. Yndyrna të dobishme: avokado, vaj avokadoje, farat chia, kokos, vaj kokosi, vaj lini, arra,
   vaj ulliri, kos.
4. Karbohidrate me indeks të ulët glikemik: bishtajore dhe thjerrëza, oriz kaf, hikërror, tërshërë, quinoa, kungull, patate të ëmbla, pasta integrale, bukë me fara dhe pa miell, oriz i egër.

Sugjerohet një darkë e hershme dhe një agjërim 12-14 orësh gjatë natës. Kjo i jep trupit kohë për të metabolizuar ushqimin dhe ndihmon në parandalimin e ngritjeve të sheqerit në gjak para gjumit, citon Anabel.

Agjërimi gjatë natës përmirëson ndjeshmërinë ndaj insulinës, ndihmon në djegien e yndyrës dhe redukton rrezikun e rezistencës ndaj insulinës. /Telegrafi/