Çfarë do të vendoset nesër për vizat, ja çka thonë mediet e huaja për Kosovën!

Raportimet e fundit nga Reuters, por dhe agjenci tjera të lajmeve, duke u bazuar në diplomatë të BE-së, thonë se Kosova tashmë as nuk është temë diskutimi brenda Unionit dhe se ka çështje të tjera që kanë prioritetin.

Të hënën, me pesë shtator, Parlamenti Europian mblidhet për të shqyrtuar raportet për Kosovën, Ukrainën dhe Gjeorgjinë, ku do të vendoset nëse këto vende kanë plotësuar kushtet për liberalizimin e vizave nga Bashkimi Europian, apo jo, njofton Klan Kosova.

Gjithsesi, ajo që dihet edhe para kësaj mbledhje është se nga të tira vendet, fatkeqësisht Kosova ka më pak gjasa për të marrë një përgjigje pozitive.

Raportimet e fundit nga Reuters, por dhe agjenci tjera të lajmeve, duke u bazuar në diplomatë të BE-së, thonë se Kosova tashmë as nuk është temë diskutimi brenda Unionit dhe se ka çështje të tjera që kanë prioritetin.

Ndërsa të shtunën, Komisioneri i BE-së për politika të fqinjësisë dhe negociata të zgjerimit, Johannes Hahn, i tha Radio Europës së Lirë se liberalizimi varet nga ratifikimi i Demarkacionit me Malin e Zi, diçka që Kosova dështoi ta bëjë.

Por, është raportuar se edhe nëse ky ratifikim realizohet, Kosova përsëri do të jetë më larg se vendet tjera në procedimin e liberalizimit dhe se nuk pritet të ndodh diçka në këtë drejtim.

Madje thuhet se edhe nëse Kosova rritë “nivelin e luftimit të korrupsionit e krimit të organizuar”, do të jetë e kotë.

Ndërsa vendi që besohet se ka gjasa më shumë është Ukraina.

Mediat atje, duke cituar diplomatë brenda BE-së, raportojnë se ukrainasit do të jenë në gjendje të lëvizin pa viza qysh nga tetori i këtij viti.

Ukraine Today shkruan se Ukraina do të ketë përgjigje pozitive.

Po ashtu, edhe për Gjeorgjinë është thënë se ka gjasa reale të fitojë liberalizimin, njofton Klan Kosova.