Çështjet shqiptare në binar

Kryetari i partisë më të madhe shqiptare në Maqedoni, Ali Ahmeti i BDI-së, thotë se çështja shqiptare në të gjitha shtete e Ballkanit është vënë në binarë. Ai tha se Shqipëria është shtet në NATO dhe me perspektivë të qartë për BE, ndërsa Kosova ka nisur rrugën e integrimit dhe e njohur nga më shumë se 100 shtete po profilizohet përditë si shteti i të ardhmes. Në Maqedoni, sipas Ahmetit, shqiptarët janë komb shtetformues, ndërsa edhe në Luginën të Preshevës ka përmirësime.

Ai iu bëri thirrje lidershipit në Luginë që t’i lënë anash folklorizmat, ndërsa kërkoi standarde të njëjta për pakicat si në Kosovë ashtu edhe në Luginë të Preshevës.

Ahmeti, ish udhëheqësi politik i Ushtrisë Çlirimtare Kombëtare premtoi zgjidhje të përhershme për kategoritë e dala nga lufta. Ahmeti i njohur dikur si “Abaz Gjuka” vazhdon të mbajë lidhje edhe me Kosovën por edhe me Shqipërinë…/Zëri/