Celina vazhdon me gola në Angli, shënon në fitoren e Ipswich
RajoniPress
09:45, 3 Dhjetor, 2017
Bersant Celina ka vazhduar me formë të mirë në kampionatin anglez Championship.
Ylli i Përfaqësueses së Kosovës ka qenë titullar si gjithnjë për skuadrën e tij Ipswich Town ndaj Nottingham Forest.
Në fund Ipswich arriti fitore tejet të vlefshme me rezultatin përfundimtar 4-2.
Celina ishte autor i golit të katërt në këtë sfidë, ku pas një kundërsulmi të shpejtë u asistua nga Waghorn dhe lehtësisht shënoi për 4-2.
Goli ndaj Nottingham ishte i gjashti këtë edicion për prizrenasin që po kalon formë të shkëlqyer.
Përveç gjashtë golave, Celina ka bërë edhe dy asistime në Championshipin anglez.
Pas kësaj fitore të rëndësishme, Ipswich është ngritur në pozitën e shtatë në tabelë me 32 pikë të tubuara.
Kujtojmë që Celina tek Ipswich është i huazuar nga gjiganti anglez Manchester City. /Telegrafi/
