Celina: Nëse City më shet do t’i detyrojë të më blejnë përsëri

Ylli i Kosovës, Bersant Celina, vazhdon të punojë për ta bindur Pep Guardiolan ta ketë në skuadër.

Lojtari që u huazua në Twente, pritet të bëjë huazimin e dytë nga Manchester City, por këtë herë në Ligën e dytë angleze (Championship).

Por, ai nuk e ka ndërmend të dorëzohet për t’u rikthyer sërish në “Etihad Stadium”.

“Natyrisht, kur e sheh se klubi ka shpenzuar miliona në lojtarë të rinj, është e vështirë të pranohet. Por, Manchester City është një klub i madh, ata duan të nënshkruajnë me lojtarët më të mirë në botë”.

“Synimi kryesor i imi është të kem karrierë në City. Dua të luajë në Ligë Premier për Cityn”, thotë Celina në intervistën për DailyMail.

“Edhe nëse klubi vendos të më shes, unë do të luftojë që ata të më blejnë sërish”, shtoi ai.