Celina me Kosovën synon kualifikimin në Evropianin

Bersant Celina është pjesë e gjeneratës së artë që po vjen te Përfaqësuesja e Kosovës, shkruan Zeri.info.

Ky ekip debutoi në mënyrë jo të mirë në eliminatoret e Botërorit, por kjo nuk i ka shuar shpresat dhe ëndrrat e tij e të shokëve që të arrijnë diçka të madhe, pasi populli i përvuajtur e meriton një gjë të tillë.

“Ne duhet të synojmë diçka të madhe, që ta arrijmë një turne (Evropianin). Ne kemi lojtarë të mirë të rinj dhe nëse mendoni për këtë, ne mund të ishim ekip edhe më i mirë nëse lojtarët që i përfaqësojnë vendet tjera do të lejoheshin të na bashkoheshin (Xherdan Shaqiri, Granit Xhaka. etj). Mirëpo, ne po shkojmë duke u bërë më të fortë me kalimin e kohës dhe kualifikimi në Evropian është i mundshëm”, shprehet Celina. /Zëri/