Celina kërkon huazimin

Bersant Celina nuk e ka përjashtuar mundësinë e huazimit në një klub tjetër, pasi nuk po gjen hapësira tek Manchester City.

“Mua dhe menaxherëve të mi do na pëlqente vërtet mundësia e huazimit në një klub. Nuk besoj se klubi do ta lejojë një gjë të tillë, por të shohim”, ka thënë 18 vjeçari për dt.no, përcjell Zëri.

Celina synon të zhvillohet në një klub tjetër, para se të kthehet përfundimisht tek Citizens.

Ai këtë edicion ka luajtur kryesisht me ekipin e rezervistëve, por ka ushtruar në mënyrë konstante me ekipin e parë, derisa kishte debutuar zyrtarisht në një miqësore ndaj Hamburgut në muajin janar, shkruan Zëri.

Ai kishte luajtur disa minuta edhe në miqësoren ndaj Torontos, në Kanada, javën e kaluar. Celina ka kontratë me Cityn deri në verën e vitit 2017. /Zëri/